Трэці міжнародны фестываль перформанса Навінкі 2001 адбываеца па ўжо ўсталяваўшайся традыцыі на прыканцы першай дэкады верасня. Трэці год фестываль трымае марку прадстаўнічага форума сучаснага мастацтва. Ён добра вядомы і стаіць у шэрагу буйных мастацкіх фестываляў дзякуючы ўдзелу ў ім найяскраўшых мастакоў гэтага віда мастацтваў з розных краін свету. Некаторыя з удзельнікаў трэцяга фестывалю ўжо выступалі ў Мінску. Сярод удзельнікаў можна сустрэць заснавальнікаў, піянераў перформанса, мастакоў, якія ўвайшлі ў гісторыю сучаснага мастацтва: Збігнеў Варпехоўскі, Пшэмыслаў Квек, Войцэх Стэфанік, Ян Свядзінскі, Ясуноры Шыабара і іншыя. Нельга не адзначыць і такія вядомыя імёны, як Ненад Багдановіч, Януш Балдыга, Уладзіслаў Казмірчак, Юры Суруўка. Адна з мэтаў фестываля - развіццё мастацтва перформанса ў нашай краіне, таму сярод беларускіх удзельнікаў можна сустрэць і новыя імёны.
Спадзяемся, што і сёлета фестываль стане значнай падзеяй у мастацкім жыцці.

Уваход на фестываль вольны.