РАМАН ТРАЦЮК
ВОЛЬГА МАСЛОЎСКАЯ
Брэст, Беларусь
"АРГАНІЧНАЕ ЖЫЦЦЁ"
У гэтым перфомансе артысты працягваюць тэму дыялога двух цел, якія з'яўляюцца
рознымі палюсамі. Працуюць схаваныя сілы ў кантэксце барацьбы і канфліктаў.
На ўмоўнай мяжы дзвюх прастор, дзвюх залаў, - дзвярны праём становіцца месцам
і мяжой, сімвалам пераходу, перамяшчэння, змены як неабходнасці, якую перформеры
абіраюць за адпраўны пункт канфлікта. Бессвядома можна пазначыць дзвярны праём
як вялізную дзірку.
Паралельна праецыруемы фільм паказвае ўдзельнікаў сітуацыі ў паўсядзённай камунікацыі,
па-свойму стандартнай і ціхамірнай, якая потым перарастае ў канфлікт.
