НАЭЛЬ МАЛЛОЙ
Раскамон, Ірландыя
"АМЕРЫКАНСКАЯ МАРА No1"
Чалавек, які ўспрымае. Гэта значыць, што ён слухае, бачыць, але не пагаджаецца.
З чым? З тым, што свет перапоўнены розным брудам, хламам, шлакамі пустых ілюзій
і захапленняў. Свет перапоўнены хіміяй кока-колы. Перформер слухае "тэлеперадачу"
- бессэнсоўны перажаваны поп-сэрвіс. Ён можа гэта пачуць толькі прыклеіўшы да
галавы "радары" - спецыяльныя прыстасаванні, якія дазваляюць бачыць "воблака
ілюзій" - хімеру, з якой патрэбна змагацца і якую неабходна прагнаць, спужаць.
Пераўтварыўшы ў нішто ілюзію "спаталення смагі", страляючы ў пародыю на жыццё,
раздаючы пустыя слоікі ад пустога жыцця, выключаючы пустую музыку і тэлеканалы,
перформер сцвярджае ўласную праўду. Недалучэнне, барацьба, адстойванне асабістай
пазіцыі, непрымальнасць чужых клішэ.
Ірландыя! Сцяг і пісталет. Перформер - салдат, а перфоманс - прастора змаганняў.
Гэта азначае, што мы ў адной лініі фронта і ні наперадзе нас, ні за намі нічога
няма, акрамя біцця нашых сэрцаў.
