СЯРГЕЙ ЖДАНОВІЧ
Мінск, Беларусь
"FATA MORGANA"
Канцэптуальная задума аўтара будавалася на катэгорыі серыйнасці, уласцівай
працэсу стандартызацыі мастацтва. Сцвярджэнне як прынцып унушэння ўсяго і ўсім
таго, чаго няма, таго, што ў цемры, невядомасці, - усё гэта вымаўляецца ў форме
слоў "art", "sztuka", "мастацтва". Пустка - умяшчальня ўсяго, усіх рэчаў. Святло,
якое шукае толькі знак святла, пры сцвярджэнні становіцца "чыстым мастацтвам".
Працэс - сцвярджэнне, але само слова - толькі агучаная функцыя, знак, які абазначае
сябе самога.